Lion Information in Marathi

सिंहाची माहिती

सिंह मार्जार कुळातील मोठा प्राणी आहे आणि सिंहाचे अस्तित्व सध्या फक्त आफ्रिका खंडातील सहारा मध्ये आणि भारतात गुजरातच्या गीरच्या जंगलामध्ये आहे.
सिंहाला प्राण्यांचा राजा समजले जाते आणि काही सिंहांचे वजन २५० किलो पर्यंत भरू शकते.
सिंहाची सरासरी लांबी २७५ सेमी असते व शेपटी ६० ते ९० सेमी असते.
सिंह सहसा संध्याकाळच्या वेळेस शिकार करतात व शिकारीला निघण्यापूर्वी गर्जना करतात. सिंहाची गर्जना ८ किलोमीटर पर्यंत ऐकता येऊ शकते.
सिंह सुमारे ताशी ८१ किलोमीटर वेगाने पळू शकतो परंतु फार काळ पळू शकत नाही.
सिंह हत्ती, गेंडा, पाणघोडा या व्यतिरिक्त इतर प्राण्यांची शिकार करतात. शक्यतो सिंहीणच सावजाला ठार करते.
सिंहाला दिवसाला सात किलो आणि सिंहिणीला पाच किलो मांस लागते. सिंह आठवड्यातून एकदाच पोटभर खाऊन राहू शकतात व शिकार न मिळाल्यास मेलेल्या जनावरांना खाऊन भूक भागवतात. सिंह चार पाच दिवस पाणी प्यायल्याशिवाय राहू शकतात.
सिंहाच्या मादीला सिंहीण म्हणतात व पिल्लाला छावा म्हणतात. सिंहाला चेहऱ्याभोवती मानेजवळ खूप केस असतात ज्याला आयाळ म्हणतात. सिंहिणीला आयाळ नसते.
सिंहिणीला दोन वर्षाच्या कालावधीनंतर पिल्ले होतात व एकावेळी दोन किंवा तीन पिल्ले होतात. कळपातील एका पेक्षा जास्त सिंहिणी एकाच वेळी पिल्लांना जन्म देतात आणि सर्व पिल्लांना एकत्रच मोठे करतात.
जन्मतः पिल्लांचे डोळे बंद असतात आणि नऊ दिवसानंतर उघडतात. पिल्लांच्या अंगावर काळे ठिपके असतात जे दहाव्या महिन्यानंतर नाहीसे होतात.
सिंह कळपाने रहातात ज्यात मादा आणि पिल्ले आणि लहान नर असतात. एका कळपामध्ये १० ते १५ प्राणी असतात.
पिल्ले जेव्हा मोठी होतात तेव्हा नरांना कळपातून हाकलून दिले जाते पण मादा राहू शकतात. हे नर कळप बनवून एकत्र रहातात व अधिक मोठे झाल्यावर इतर सिंहाच्या कळपाचा ताबा मिळवितात.
मादा सहसा कळपाने शिकार करतात आणि सिंह कळपाचे रक्षण करतात. शिकार वाटून खाल्ली जाते परंतु सर्वात पहिले सिंह आपला वाटा घेतात, नंतर सिंहिणी आणि सर्वात शेवटी पिल्ले वाटा घेतात.
सिंह घनदाट जंगलात, वाळवंटात किंवा दलदल असलेल्या परिसरात रहात नाहीत. सपाट गवताळ प्रदेश किंवा विरळ जंगलांचा प्रदेश हे सिंहांचे वास्तव्यस्थान आहे. सिंह उत्तम प्रकारे पोहू शकतात.
सिंह दिवसाचे वीस तास विश्रांती घेतात.
सिंहाचे आयुष्य सुमारे १२ ते १६ वर्षे असते परंतु पिंजऱ्यातील सिंह वीस वर्षापर्यंत जगू शकतो.