शंकरपाळे RECIPE / पाककृती

(Sweet / God Shankarpali) गोड शंकरपाळे हे दिवाळीतबनवले जाणारे खास महाराष्ट्रीय पक्वान्न आहे.

साहित्य

( इथे १ कप हा अमेरिकन प्रमाणाप्रमाणे २५० ग्रॅम/मी ली  धरला आहे याची कृपया नोंद घावी)

• मैदा ………………………..५०० ग्रॅम

• रवा ………………………….२५० ग्रॅम

• दूध …………………………अर्धा कप

• डालडा(वनस्पती)/तूप/तेल …………….१ कप

• पिठी साखर ………………..३०० ग्रॅम

• मीठ …………………………….१ चिमुट

• तेल ………………………………तळण्याकरता

महत्वाच्या सूचना / कृती

• थोडा डालडा आधी गरम करून घ्यावा. वाटल्यास मायक्रोवेव मध्ये ही गरम करता येईल.

• आता मैदा चाळून घ्या व त्यात रवा, पिठीसाखर आणि मीठ घालून त्यात गरम डालडा मिसळावा व हातानी चांगला कुस्करावा. सर्व मिश्रण रवाळ होईल.

• आता यात दूध मिसळावे व मऊ अशी कणिक भिजवावी.

• ही कानी चांगली १५ ते २० मिनिटे तिंबावी. यावर चांगलीच मेहनत अपेक्षित आहे.

• ही कणिक दमात कापडाने झाकून १५ ते २० मिनिटे ठेवावी.

• आता या कणकेचे मोठे गोळे करून त्याच्या मोठ्या पण जाडसर पोळ्या लाटाव्या .लाटताना सुका मैदा भूरभूरावा म्हणजे कणिक पोळपाटाला चिकटणार नाही.

• या पोळ्यांचे सुरी अथवा शंकरपाळे कातर च्या सहाय्याने लांबट चौकोनी तुकडे कातरावे.

• कढईत तेल तापवावे. तेल तापल्यावर मंद आंचेवर हे शंकरपाळे सोनेरी रंगावर तळून घ्यावे. अशा तर्हेने सर्व शंकरपाळे तळून घ्यावे.

• गार झाले कि हवाबंद डब्यात भरून ठेवावे. हे १० दिवस छान टिकतात.

• दिवाळीत छानशा ताटात हे शंकरपाळे सजवून पाहुण्यांना खुश करा.

Recipe / रेसिपी  आवडली तर  जरूर  SHARE करा !