• भट्टी (ओवन) १८० से. – १६० से. तापमानावर तापवून घेणे.

• २ X १८ से.मी. वर्तुळाकार सॅंडविच केकच्या टिन्सना बेकिंग करता तयार करुन घ्या. लोणी वितळवून घ्या. थोडे थंड करत ठेवा. मैदा व कोको एका मोठ्या बाऊल मध्ये घेऊन मिसळा. त्यातच बेकिंग पावडर, दोन्ही प्रकारची साखर आणि दळलेले बदाम ही मिसळा. दही आणि वॅनिला इसेंस फेटलेल्या अंड्यांमध्ये मिसळून घ्या व हे मिश्रण सुक्या मिश्रणात मिसळा. त्याच बरोबर वितळलेले लोणी व तेल ही मिसळा. आता हे मिश्रण हलक्या हातानी ढवळा. जास्त फेटू नका. व्यवस्थित गुळगुळीत असे मिश्रण तयार करा.

• आता चमच्याच्या सहाय्याने हे मिश्रण दोन्ही टिन्स मध्ये भरून सपाट करा. आता २० मिनिटे भट्टी मध्ये मिश्रण फुलून येईपर्यंत भाजा. कडा सुटू लागल्यावर भट्टीतून बाहेर काढा व टीनमधून सोडवा, आतील कागद(parchment) ही सुटे करा आणि तारेच्या रॅकवर गार करत ठेवा.

• यादरम्यान आइसिंग तयार करा. पॅनमधे उकळते पाणी घ्या व त्यात एका बाऊल मधे चॉकलेट वितळवून घ्या. वितळलेले चॉकलेट पॅनमधून बाहेर काढा. वेगळ्या बाऊल मध्ये आईसिंग शुगर आणि कोको एकत्र चाळून घ्या. त्यात बटर व दूध मिसळा. भरपूर फेटा आता त्यात क्रीम चीज व क्वार्क मिसळून फेटा. शेवटी वितळलेले चॉकलेट घाला व मिसळा.

• दोन्ही केक थंड झाल्यावर वरील आईसिंग मधील अर्धे मिश्रण दोन्ही केक्सच्या मध्ये लावून सँडविच तयार करा व उरलेले मिश्रण वरून लावून केक झाकून टाका. त्यावर साखरेतले बदाम लावून सजावट करा.

Recipe / रेसिपी  आवडली तर  जरूर  SHARE करा !